مواقفنا فى فضفضه

يالونلى طب قول انت موقف انا قلت وكازانوفا قال
قول انت ومنى بقى واما الباشا عماد ومسترمحمود يدخلوا يبقول يكتبوا

عماد النت عندوا مش ولا بد

انا هقول موقف مادام محدش عاوز يقووووووووول وموقف ضحك بس مش اوى

انا كنت على القهوة على البحر قهوة الزيات ودى هيبقا لها موضوع لوحدها المهم محمود ابن عمو محمد الزيات دة اللى شغال فى القهوة وابن صاحب القهوة وكان يوم مخدر طينه ومش شايف ادامه بجد كان شارب حشيش وحاطط ترامادول (اقراص مخدره ) على كانز بيرة

المهم كان فى ناس قاعده على البحر وطلبت منه 4 شاااااااااااااااااااااااااااى واتنين حاجة ساقعه

يقوم هوا يعمل ايه حط لهم السكر والفتل بتاعت الشاى ونسى يحط ميه وجابلهم الازايز بتاعت الساقع فاضيه وجاب لهم ميه

خلى كل اللى قاعدين على البحر ماتوا ضحك انما ابوة بقا ده كان ليه حسااااااااااااب تانى

هههههههههههههههههه لا والله موقف حلو
بس ى كازانوفا انت بتعملنا ازاى نعمل حاجات تخدر ولا ايه

شارب حشيش وحاطط ترامادول (اقراص مخدره )

ده توضيح بس عشان عاف انكم مش هتفهم ترامادول دى من عائله كونتريمال والترادول وايفانول وتراماجاك وتراما وتراما اس ار وترايميدين ....... كل ده عند الحاج سعيد مطاوع فى الموقف عندنا

وكل دى مش مخدرات دى مسكناااااااااااات قويه فعاله واثارها الجانبيه التركيز لانها من مشتقات الافيون مش مخدرات يعنى

ما شاء الله ما شاء الله ايه المعلومات الرهيبه دى ههههههههههههههههه
ده الواحد مش عايش ى جدعان والله

انا ححكيلكوا موقف انا فكراه من ايام الحضانه كنت فحوالى كى جى ون كنت صغيره اوى طبعا
ففى الحضانه كانوا كانوا بيفتشوا العيال لغرض ما يعنى لا داعى لزكره
فانا اول ما الميس جت عشان تفتشنى انا اتغظت بقى ازاى تفتشنى روحت ماسكه ايديها
وعضتها جامد اوى هههههههههههههههههههههه طبعا انا كنت صغيهر متقدرش تضربنى ولا حاجه
بس اشتكت لماما طبعا وكده وعدت

هههههههههههههههههههههههه

عضاضة يابت
هحكيلكم بقى موقف
كنا فى المصيف كنت تقريبا فى تالتة اعدادى ايامها ومعايا بنت خالى اكبر منى بسنتين وكان بابا جايبلى عجلة وكانت جايبهالى عالية بحكم انى طويلة يعنى وكنت بعرف اركبها كويس اوى طبعا انما هى اقصر منى كانت مش بتطولها اوى وجيت فى يوم جات زارتنا فى العشة وقالتلى تعالى ننزل نلف بالعجلة وهاخدك ادامى قلتلها لا انا هاخدك ادامى وطبعا لان شخصيتها قوية عليا ركبت ادامها وجينا فى شارع فى راس البر اسمه 77 للى يعرف راس البر يعنى وكان يوم زحمة مووووووووووت ووقفنا فى تقاطع طريق وقامت هوووووووووووب واخدنى ووقعنا فى الشارع والعربيات كلها فرملت واحنا من الموقف ماقدرناش نقوم من الضحك والعربيات تكلكس لنا واحنا ولا هنا عمالين نضحك بس قمت انا فجأة وقفت الضحك ووقفت وخدت العجلة وسوقت الندالة وسبتها فى الشارع ومشيت وطبعا بعد مابطلت وصلة الضحك بتاعتها قامت ورجعت ع العشة وكانت هتقتلنى لان الناس اللى فى العربيات زعقولها ورجعت كمان تقولى تعالى نزل نلف بالعجلة شوية ماخليتهاش تركبها تاااااااااااااانى خالص
يعنى ده موقف افتكرته بس لو افاتكرت حاجة تانى هحكيها

ههههههههههههههههههههه
ده انتوا طلعتوا عبط اوى

طلعنا ايه ياختى ماتقولى

بسم الله ماشاء الله اسيب المنتدى شوية ارجع القية حشيش وبانجو وعجل وحاجات غريبة كدة والله كويس دى بقت سايبة خالص انتة ياعم المدير ماتشوفلك حل ولا انتة تنازلت عن الادارة ولا اية بانجو اخص

لا مش بانجو عيب عليك وبعدين المدير هيعمل ايه هيبلغ يوسف بيه عننا

وبعدين ولا كانك تعرف البانجو غلباااااااااااااااان انتا